Isa ka kontrobersyal nga topiko ang liwat nga nag-lanog sa social media matapos ginpakigbahin ni Congresswoman Anna Paulina Luna, U.S. Representative sang 13th congressional district sang Florida, USA, ang pila ka mga post sa X natuhoy sa mga ginaalegar kaangtanan sang mga extraterrestrial ukon alien sa mga istorya sa Bibliya.
Si Luna, nga sa karon ang nagapanguna sa isa ka komitiba sa U.S. House Oversight, ang nagapang-agda sa publiko nga basahon ang Book of Enoch nga yara sa Bibliya.
Ang nasambit nga sinauna nga teksto sang Hudyo ang nagaunod sang mga istorya natuhoy sa “Watchers”, mga anghel nga ginapatihan nagpanaug sa Earth kag nakig-relasyon sa mga tawo, nga nagresulta sa lahi sang mga higante antes pa man ang “the great flood” sa Bibliya.
Suno kay Luna, posible nga ang mga ginapatihan nga anghel amo ang mga extraterrestrial.
Nagapati man ini nga kabahin sang maragtas sang katawhan ang pakigrelasyon sang mga tawo sa mga alien nga gintuyo nga kakason sa tradisyunal nga bersyon sang Bibliya.
Ginpakita man sang kongresista ang imahe sang sikat nga painting nga ‘Madonna and Child’ nga kilala man bilang “Madonna of the UFO.”
Matalupangdan sa obra ang isa ka misteryoso nga butang sa kahawaan nga daw kaangay sang ‘spaceship’.
Madamo sang conspiracy theorists ang nabilib sa pahayag ni Luna kag nagahambal nga madugay na nga ginapatihan ang koneksyon sang relihiyon kag extraterrestrials.
Apang madamo man sang nagabatikos diri kag ginapanindugan sang iban nga indi pormal nga kabahin sang Bibliya ang Book of Enoch bangud wala sang mabaskog nga ebidensya nga ginsulat ini mismo ni Enoch.
Sa pihak sini, ginbatikos sang mamalidha ang Pentagon bangud sa pagdelay sang pagpagwa sang mga video footage natuhoy sa mga Unidentified Flying Objects (UFOs) nga ginpromisa nga ipakita sa kongreso.
Santo sa Pentagon, clerical error lamang ang rason sang delay, apang wala ini ginapatihan ni Luna.
Padayon subong ang diskusyon sa online tuhoy sa posibilidad sang relihiyon, history, kag ginaalegar mga alien naggikan sa iban nga planeta.
