Nakahanda si US President Donald Trump nga magbulig sa pagsolbar sang tensyon sa tunga sang Estados Unidos kag North Korea.
Sa isa ka Oval Office event gin-highlight niya ang mga tikang agud nga maresolbar ang global conflicts, ginpamangkot si Trump kun nakasulat siya kay North Korean leader Kim Jong Un nga una nga gin-report sini nga bulan.
Wala direkta nga ginsabat ni Trump ang amo nga pamangkot, apang ginsiling niya nga manami ang relasyon sini kay Kim Jong Un.
Sa website nga NK News nga nakabase sa Seoul kag naga-monitor sa North Korea, makapila ka beses nga ginbalibaran sang delegasyon sang North Korea sa United Nations sa New York ang sulat ni Trump para kay Kim.
Sanday Trump kag Kim ang nagpatigayon sang tatlo ka mga summit sa una nga termino sang US President kag nagbayluhanay sang madamo nga sulat nga gintawag ni Trump nga matahom, antes ang wala ginlauman nga diplomatic effort nga nagguba sang US demands nga buy-an ni Kim ang iya nuclear weapons.
Sa iya ikaduha nga termino, ginkilala ni Trump ang North Korea bilang isa ka “nuclear power.” Ginpahayag sang White House sang Hunyo 11 nga abi-abihon ni Trump ang liwat nga komunikasyon kay Kim, samtang wala ginakumpirmar ang anuman nga sulat nga ginpadala.
Ang North Korea ang wala nagpakita sang interes nga ibalik ang pagpakig-istorya humalin sang naguba ang diplomasiya ni Trump sang 2019.
Sa baylo, ginpasanyog pa ang nuclear weapons kag ballistic missile programs sini kag nag-develop sang malapit nga kaangtanan sa Russia pinaagi sa direkta nga suporta sa gyera sang Moscow sa Ukraine.
Ang Pyongyang ang naghatag sang soldado kag mga armas.////
