Ginsirado na sang Estados Unidos ang US Embassy sa Kyiv, ang capital sang Ukraine, kag temporaryo nga ginrelocate ang gamay nga nabilin nga numero sang mga diplomatic personnel sa Lviv, syudad sa western Ukraine bangod sa tuman ka dasig nga buildup sang Russian forces.
Suno kay Secretary of State Antony Blinken, ginmando sini ang tikang para sa kahilwayan sang ila nga mga staff, kag ginapanugyan man sang mga ini sa mga nabilin nga US citizen sa Ukraine nga maghalin na sa pungsod sa madali nga panahon.
Pahayag sini nga ang precaution ang wala nagapakita nga nadula na ang ila nga pagsuporta kag commitment sa Ukraine.
Paathag ni Blinken nga ang ila commitment sa soberanya kag territorial integrity sang Ukraine ang wala nagadula.
Padayunon man sang mga ini ang pagtinguha nga makalab-ot sang diplomatic solution, gani nagapabilin sila sa pagkonekta sa Russian government kasunod sang pagtawag ni US President Joe Biden kay President Vladimir Putin kasubong man sa iya nga paghinun-anon kay Foreign Minister Lavrov.
Dugang pa ni Blinken nga ang alagyan para sa demokrasya ang nagapabilin nga bukas kun pilion sang Russia nga mag-engage pinaagi sa good faith.
Gina-look forward man sang opisyal ang pagbalik sang ila nga mga staff sa embahada sa tion nga maayo na ang sitwasyon.
Ang tikang ang ginpatigayon matapis nga ang US ang nagmando sa kadam-an sang US government employees nga maghalin sa pungsod kag gin-anunsyar nga ang consular services sa US Embassy ang igasuspende sumugod sang Domingo.
Ang State Department ang nagpahayag nga magabilin sila sang gamay nga consular presence sa Lviv para sa emergency services.
Sulit-sulit naman nga ginapanawagan sang US officials sa mga American citizens nga maghalin na sa Ukraine bangod sa posibilidad sang Russian invasion nga mahimo matabo sa ano man nga oras.
