Nagplegde ang gobyerno sang Estados Unidos sang $1 million nga ayuda ukon kapin P58.7 million para sa mga biktima sang Bagyo Pepito.
Ini ang gin-anunsyar ni US Secretary of Defense Lloyd James Austin III sa isa ka courtesy call kaupod kay President Ferdinand Marcos Jr. sa Malacañang sang Lunes.
Suno kay Austin, ginhatagan sini sang otoridad ang tropa sang Amerika kag tanan nga pwersa sang Pilipinas nga maghatag sang life-saving nga ayuda sa mga Filipino.
Nagsecure man ang Amerika sang dugang nga million dollars sa urgent humanitarian aid nga maga-ehance sang trabaho sang United States Agency for International Development (USAID) kag World Food Programme.
Ang ini nga balor ang magluwas pa sa 5.5 million dollars nga ginhatag sa gobyerno sang Pilipinas paagi sa USAID sang tinalikdan nga Setyembre.
Gin-utilize man sang Amerika ang mga assets sini agud magdeliver sang kapin 50 tons sang relief items sa mga biktima sang bagyo.
