-- ADVERTISEMENT --
Nagpatigayon ang U.S. Central Command sang airstrike kaupod ang Iraq nga naresulta sa pagpatay sa top ISIS leader sa nasambit nga pungsod nga si Abdallah Makki Muslih al-Rifai ukon kilala kay “Abu Khadijah” kag isa pa ka ISIS operative.
Suno sa US military, ginpatigayon ini sang Marso 13 kag base sa DNA test, nakumpirmar nga ang napatay amo si Abu Khadijah.
Samtang sa Truth Social, ginkumpirmar ni US President Donald Trump ang kamatayon sang pugante nga lider sang ISIS.
Si Abu Khadijah ang ginakabig man nga “Global ISIS #2 leader” nga amo ang responsable sa operasyon, logistics kag pagplano nga ginapatigayon sang ISIS sa bUG-ISA nga kalibutan.
