Ginpahayag sang U.S. Military kahapon nga ginguba nila ang anum ka mga baruto sang Iran kag madinalag-on nga na-intercept ang cruise missiles kag drones nga gikan sa Tehran sang naglunsyar ang Estados Unidos sang operasyon para sa luwas nga paglabay sang mga barko sa Strait of Hormuz.
Wala naman naghatag sang komento si U.S. Admiral Brad Cooper, head sang Central Command sa pamangkot kun bala epektibo pa ang ceasefire nga nag-umpisa sang Abril 8.
Apang iya ginpahayag nga nagapadayon sa pagpanghalit ang Islamic Revolutionary Guard Corps (IRGC) agud balabagan ang mga plano ni US President Donald Trump sa pagbukas sang Strait of Hormuz.
Suno diri, naglunsyar ang IRGC sang pila ka mga cruise missiles, drones, kag mga baruto sa mga barko nga ila ginaproteksyunan.
Ginpaandaman ni Cooper ang IRGC nga may yara sang kabug-usan nga 15,000 U.S. troops, U.S. Navy destroyers, masobra 100 ka land kag sea-based aircraft kag undersea assets.
