Nagpauli sang temprano ang defending champion sa US Open nga si Novak Djokovic matapos ini ginlutos sang No. 28 seed nga si Alexei Popyrin sa third round sang tournament.
Sa score nga 6-4, 6-4, 2-6, 6-4 nagtapos ang kampanya sang Serbian tennis superstar nga napaslawan nga makuha ang iya kuntani ika-25 nga Grand Slam title.
Ang kapaslawan ni Djokovic nga amo ang gold medalist sa bag-o lang nagtakop nga Paris Olympics ang naghatag-duag sa karera sang Australian nga kasumpong nga nakakuha sang pinakadako nga kadalag-an sa iya tennis career sang nalab-ot sini ang round of 16 sang isa ka major tournament sa una nga tion.
Gin-ako ni Djokovic nga ginkapoy siya sa mental kag pisikal nga aspeto sa iya kumpetisyon sa Paris rason man kun ngaa indi maayo ang iya performance sa New York.
