Ginpahayag ni US President Donald Trump nga mas confident ini sa isa ka deal agud matapos ang gyera sa Ukraine matapos ang paghinun-anon nga nagtuga sang makusog nga rebuke nagikan sa Kyiv bangud wala ini nalakip.
Ginsuhestiyon ni Trump nga posible sini nga mameet si President Vladimir Putin samtang ginamintinar sang Estados Unidos ang panindugan sini sa Russia sa isa ka shift nga nagtuga sang alarma sa mga European leaders.
Sa paghinun-anon sa Riyadh, nagkasugot ang Russia kag Estados Unidos nga mag-establish sang teams agud mag-negotiate sang isa ka dalan padulong sa pagtapos sang gyera nga nagsugod sang gin-invade sang Russia ang Ukraine sang Pebrero 2022.
Suno kay Trump, mas confident ini sa isa ka deal matapos ang paghinun-anon kag ginlaragway ini nga tuman ka maayo.
