Liwat nga ginpanindugan ni US President Donald Trump ang plano sini nga igatake-over sang Estados Unidos ang Gaza kag nagpanindugan nga ang Jordan amu ang magasalo sang mga displaced Palestinians apisar sang pagpamatok ni Jordan King Abdullah sa proposal.
Ginpahayag ni Trump nga indi sini pagbawion ang ideya nga ginalakipan sang pagsaylo sang mga residente sang Gaza Strip kag pagtransform sang teritoryo nga naguba sang gyera sa ginhingadlan sini nga “Riviera of the Middle East.”
Ini ang ginkaakig sang Arab world paagi sa pagpahayag nga wala sang kinamatarong ang mga Palestinians nga magbalik sa ila mga puluy-an sa idalum sang iya proposal nga i-redevelop ang enclave, nga nagkalaguba bangud sa isa ka Israeli offensive.
Apisar sang mga views sang iya Jordian counterpart, ginpahayag ni Trump nga ang Jordan, kasubong man ang Egypt, ang magapasugot man gilayon nga batunon ang displaced Gazans.
Ang duha ka pungsod ang lunsay nagasalig sa Washington para sa economic kag military aid.
