Ginaduso sang administrasyon ni US President Donald Trump ang pagdugang sang firing squad, electrocution, kag gas asphyxiation bilang alternatibo nga pamaagi sang execution sa federal level, suno sa report sang Justice Department.
Suno sa report, katuyuan sini nga masabat ang kakulang sang lethal injection drugs kag masiguro nga mapatuman ang death penalty bisan may supply limitation.
Kabahin ini sang tikang ni Trump nga ibalik ang federal executions matapos ginkakas ang moratorium sang nagligad nga administrasyon.
Sa karun, masobra 40 nga kaso ang ginaduso para sa death penalty, apisar nga wala pa sang may nakalab-ot sa final execution.
Tatlo lamang ang nabilin nga yara sa federal death row matapos i-commute sang anay administrasyon ang kadam-an sang sentensya.
Nakakuha naman ini sang kritisismo gikan sa human rights groups kag pila ka mga mamalidha, nga nagsiling nga ang amo nga mga pamaagi mapintas kag di-makatawo.
Samtang, hugot nga ginkondenar ni Pope Leo XIV ang Death penalty kag nagpanawagan nga kakason ini sa Estados Unidos.
Ini ang kasunod sang tikang sang administrasyon ni US President Donald Trump nga pasangkaron ang pamaagi sang pagbitay sa mga federal inmate.
Sa mensahe sang Santo Papa para sa DePaul University sa Chicago, iya ginsiling nga sagrado ang kabuhi sang tawo kag dapat ini hatagan sang importansya.
Nahibaluan Si Pope Leo amo ang una nga Santo Papa nga gikan sa Estados Unidos.
