Nagpaandam liwat si US President Donald Trump sa Iran.
Sa Truth Social, ginhatagan ni Trump ang Iran sang 48 oras agud nga maghimo sang kasugtanan nga buksan ang Strait of Hormuz kun indi luyag sang mga ini ang malala nga konsekwensya militar.
Ang ultimatum sang US President ang kasunod sang Abril 6 nga deadline sini nga ginhatag sa Iran agud mahuman ang kasugtanan kag mabalik ang access sa Strait of Hormuz.
Madumduman nga una na nga nagpamahog si Trump nga atakehon ang power plants sang Iran kon indi nila pagbuksan ang Strait of Hormuz sa sulod sang 48 oras apang ginbawi man niya ini pagkasunod nga mga inadlaw.
Nahibaluan nga importante ang Strait of Hormuz sa pangkalibutanon nga negosyo, nga nagadala sang mga 20 percent sang langis kag natural nga gas sang kalibutan.
Bangud sa blockade sang Iran, madamo nga commercial ships ang nabudlayan sa pag-agi sa Strait of Hormuz rason sang pagtaas sang presyo sang langis kag kabalaka sa global supply.
