Ginkumpirmar ni US President Donald Trump na magapatigayon siya sang “phone call” agud pauntaton ang gyera sa tunga sang Thailand kag Cambodia.
Ini matapos nga nagdangat na sa tatlo ka adlaw ang gyera sang duha ka pungsod.
Santo sa report, siyam na ka sibilyan ang napatay sa Cambodia samtang apat naman ka suldado ang ginbawian sang kabuhi sa Thailand.
Madumduman nga si Trump ang nagbulig agud umpisahan ang ceasefire sang Hulyo matapos ang lima ka adlaw nga gyera sang mga nasambit nga mga pungsod.
Suno sa foreign minister sang Thailand, wala pa ini sang may nakita nga opurtunidad para sa negosasyon may kaangtanan sa inaway sa border.
Samtang, ginpahayag man sang isa ka opisyal sang Cambodia nga preparado sila makig-estorya sa bisan ano nga oras.
Sa isa ka campaign rally sa Pennsylvania, ginmitlang ni Trump ang pila ka mga gyera nga suno sa iya nabuligan na niya mapauntat lakip na ang Pakistan, India Israel kag Iran.
