Ginkumpirmar ni United States President Donald Trump nga nagmando ini sa militar nga maglunsyar sang pagpang-atake batok sa Islamic State group nga yara sa north-western Nigeria kadungan sang paskwa.
Gin-akusaran ni Trump ang grupo nga mga terorista ilabi na sa pagpamatay sa mga inosente nga Kristiyano.
Sa isa ka pahayag kadungan sang pagsaulog sang Christmas holiday sa iya nga home estate sa Palm Beach, ginpahayag ni Trump nga naglunsyar ang US military sang pag-atake batok sa sa Islamic group nga Amerika lamang ang nagaisahanon nga makahimo.
Suno diri sa idalom sang iya nga liderato indi sini pagpasugtan nga magsanyog ang radical Islamic terrorism.
Nagpaandam man si Trump nga madamo pa ang madugang kung padayunon sang Islamic State group ang pagpatay sa mga Kristiyano.
Sa inisyal nga impormasyon, madamo sang terorista nga ISIS ang ginbawian sang kabuhi.
Samtang suno kay Nigerian Foreign Minister Yusuf Maitama Tuggar, ang insidente ang isa ka joint operation nga nagatarget sa mga terorista kag wala diri labot ang kun anuman nga relihiyon.
