Nagpamahog si U.S. President Donald Trump nga bombahan ang Oman, isa ka U.S. ally, kun ini ang magapasilabot sa negosasyon sa Iran santo sa isa ka interview.
Ini kasunod sang magkatuhay nga negosasyon sang duha ka pungsod sa Tehran tuhoy sa reopening sang Strait of Hormuz.
Pila ka oras antes ang pamahog ni Trump sa Oman, ginpahayag sang Iranian officials nga malapit na matapos ang ila kasugtanan sa Oman para sa pag-agi sang mga barko sa nasambit nga ruta.
Suno kay Iranian Foreign Ministry spokesman Esmaeil Baghaei, may yara na sang ginkasugtan sa map sang transit route kag ginarepaso na lamang sang duha ka bahin ang mga detalye antes magpagwa sang joint statement.
Neutral ang panindugan sang Oman sa tunga sang duha ka pungsod apang nangin kritikal ang papel sini bilang intermediary sa negosasyon sa tunga sang Iran kag sang iban nga pungsod.
Yara sa nabagatnan nga bahin sang Strait of Hormuz ang Oman kag nakaeksperyensya man ini sang pila ka mga drone strike naggikan sa Iran.
