Ginpahayag ni US President Donald Trump nga dapat irelease sang Hamas ang tanan nga hostages nga yara sa karun sa luyo sang militante nga grupo sa Gaza sa Sabado ukon magapropose ini sang pagkanselar sang Israel-Hamas ceasefire.
Nagpaandam si Trump nga posible luyag sang Israel nga siya ang i-override sa issue kag posible nga maga-istorya ini kay Israeli Prime Minister Benjamin Netanyahu.
Nagpabutyag sang frustration si Trump sa kondisyon sang ulihi nga grupo sang mga hostages nga ginhilway sang Hamas kag sa anunsyo sang militante nga grupo nga pagauntaton sini ang pagrelease sang mga hostages.
Suno sa iya, luyag sini nga marelease sang tingub ang mga hostages imbes nga amat-amat.
Posible man sini nga i-withhold ang ayuda sa Jordan kag Egypt kun indi nila pagbatunon ang Palestinian refugees nga igarelocate nagikan sa Gaza.
Siya ang natalana nga makigkita kay King Abdullah sang Jordan.
