Nagpaandam si U.S. President Donald Trump nga magabayad ang Iran sa pagkapatay sang ila mga suldado matapos ang serye sang pagpang-atake sa tunga sang duha ka pungsod.
Suno kay Trump, kada may mapatay sa isa nila ka suldado, sila ang magatimalos sa Iran.
Ini ang ginpahayag matapos magpatigayon sang panibag-o nga airstrikes ang Estados Unidos batok sa Iran, matapos nautas ang kabuhi sang isa ka amerikano nga suldado sa Iraq.
Nagdangat na sa 17 ka suldado ang ginbawian sang kabuhi sang mag-umpisa ang lima ka bulan nga gyera sang US kag Israel batok sa Iran.
Ginpahayag sang White House nga magatambong si Trump sa seremonya para sa mga napatay nga suldado.
Samtang, natalana nga talakayon sa Kongreso sang Estados Unidos ang epekto kag gastos sang nagapadayon nga gyera.
