Nagpaandam si US President Donald sang dako nga konsekwensya kun indi magpasugot si Russian President Vladimir Putin sa isa ka kasugtanan para sa pag-angkon sang kalinong sa Ukraine sa ila meeting sa Alaska subong nga Biyernes.
Apisar nga wala niya gin-athag kun ano ang mga tikang nga ila ginahimo, ginpahayag ni Trump nga posible nga malakip diri ang mga bag-o nga economic sanctions.
Kasunod sang isa ka virtual meeting kaupod si Ukrainian President Volodymyr Zelenskiy kag mga lider sang Europa, ginpasiguro ni Trump nga wala sang mangin kasugtanan natuhoy sa teritoryo sang Ukraine kun wala ang partisipasyon sang pungsod.
Ginrekomendar man ni Trump ang posibilidad sang isa ka follow-up meeting kaupod si Putin kag Zelenskiy kun mangin maayo ang una nga meeting.
Suno diri, tinutuyo sang meeting sa Alaska ang ilatag ang mga tinutuyo para sa direkta nga dayalogo sang tatlo ka bahin.
