Nagpamahog si US Donald Trump nga magalunsyar sang dako nga pagpang-atake ang Estados Unidos sa Iran bilang pagtimalos sa ginpatigayon nga missile attack sa mga pasilidad sang U.S.
Sa isa ka interview, ginpahayag ni trump nga apisar “surprise attack”, gilayon man ini na-intercept sang pwersa militar sang Estados Unidos.
Samtang, naghatag man sang komento si Trump natuhoy sa joint-attack sang U.S. kag Saudi Arabia batok sa mga militia sa Iraq nga suportado sang Iran, kag ginpahayag nga kanser sa kalibutan ang mga kaalyado sang Tehran.
Sa pihak nga bahin, ginpakigbahin ni Trump nga nangin maayo ang iya pagsinapol kay Israeli Prime Minister Benjamin Netanyahu, kag nagapati ini nga mas nagbaskog pa gid ang ila nga relasyon.
Suno kay Trump, bukas gihapon ang Estados Unidos sa pagpadayon sang negosasyon sa Iran apang ginapanginwala naman sang Tehran nga may nagakatabo nga negosasyon sa duha ka bahin.
