US President Donald Trump, nagpasalig sang padayun nga suporta sa Southeast Asia partikular na sa Pilipinas
-- ADVERTISEMENT --

Liwat nga nagpasalig si US President Donald Trump kahapon nga padayon nga maga-suporta ang Estados Unidos sa mga kaalyado sini sa Southeast Asia partikular na sa alyansa sini sa Pilipinas.

Ginpahayag ni Trump nga mas nagbaskog pa ang kooperasyon sang duha ka pungsod bangud sa ila nga personal nga relasyon.

Sa pag-umpisa sang ASEAN-US Summit, ginsiling ni Trump kay President Ferdinand Marcos Jr. nga kilala sini ang mga ginikanan sang presidente kag ginlaragway ang mga ini bilang mga maayo nga tawo.

Nagpromisa si Trump nga gilayon maghatag sang bulig pananglitan kinahanglan sang Pilipinas ang ila nga suporta.

Magluwas sa Pilipinas, ginmensyonar man ni Trump ang bag-o nga defense cooperation partnership sa Indonesia.

-- ADVERTISEMENT --

Gintawag naman ni Trump nga “great friends” ang mga pungsod sa Southeast Asia.

Ginpadayaw ni Trump nga humalin sang ngabalik ini bilang presidente, nakakuha sang mga dalagko nga deal ang Estados Unidos sa pila ka mga nasyon sa nasambit nga rehiyon partikular na sa Malaysia, Cambodia, Indonesia, kasubong man sa Japan, South Korea, kag iban pa.