Nagpabutyag sang optimism si US President Donald Trump sa isa ka 30 ka adlaw nga ceasefire sa gyera sa Ukraine kadungan sang pagpadulong sang mga envoys sa Moscow apang suno sa mga opisyales, luyag sang Estados Unidos nga magpasugot ang Russia sa isa ka unconditional nga pagpauntat sang konflikto.
Suno sa Kremlin, nagahulat ini sang detalye sang isa ka proposal nga nakasugtan sang Ukrainian kag US officials subong nga semana kag wala naghatag sang indikasyon sa pagkahanda sini agud mauntat ang pag-ilinaway nga nagbilin sa linibo ka mga persona nga wala na sang kabuhi sa nagligad nga tatlo ka tuig.
Suno kay Ukrainian President Volodymyr Zelensky, nagpakita ang iya pungsod nga preparado na ini nga magpasugot sa isa ka deal kag nagpabutyag man sang makusog nga response ang Amerika kun magpamalibad si Russian President Vladimir Putin.
