Wala sang problema kay US President Donald Trump kun mangin maayo ang relasyon ni President Ferdinand “Bongbong” Marcos Jr. sa China kun ini ang mangin palaagyon agud liwat nga mangin maayo ang Pilipinas.
Sang ginpamangkot si Marcos kun paano sini balansehon ang relasyon sa tunga sang China kag Amerika, ginpahayag sini nga independent ang foreign policy sang Manila kag concerned ang gobyerno sa depensa sang teritoryo kag pagpatuman sang sovereign rights.
Humalin sang nagpungko si Marcos sa pwesto sang 2022, makapila ka beses sini nga ginpahayag nga wala sang maskin isa ka inch sang teritoryo sang Pilipinas ang igasurrender sini sa maskin ano nga foreign enitity partikular na ang natuhoy sa West Philippine Sea.
Samtang, ginpahayag naman ni Trump nga wala sang problema sa iya kun mangin maayo ang relasyon ni Marcos sa China bangud siya mismo ang maayo man ang relasyon diri.
Suno kay Trump, nagakadapat lang nga ubrahon ni Marcos ang nagakaigo para sa iya pungsod.
Panugyan sini nga dapat himuon sang Presidente ang iya kinahanglan nga himuon gani wala sang problema sa iya kun mangin mayuhay ang Pilipinas kag China.
