Natalana nga magpatigayon sang rally kaupod sang mga supporters sini si US President-elect Donald Trump sa Capital One Arena sa Washington, Domingo sang hapon, oras sa Washington antes ang inagurasyon sini sa Lunes.
Pagabisitahan ni Trump ang Arlington National Cemetery antes siya maghambal antes ang mga supporters sini sa 20,000-seat arena.
Nahibaluan nga ang swearing ceremony ni Trump nga natalana sa Lunes, oras sa Estados Unidos ang ginsaylo sa sulod sang U.S. Capitol bangud sa forecast nga tuman katugnaw nga panahon.
Ginhugot man ang security measures sa palibot sang Capital One Arena matapos nga ginmando ni Trump sang Biyernes nga ang inagurasyon ang sayluhon indoors bangud sa tuman ka tugnaw nga panahon santo man sa forecast.
Naplanuhan naman sang Secret Service ang pagsiguro sang arena bangud magapatigayon si Trump sang “victory rally”.
Bangud sa pagpatigayon sang inagurasyon indoors, ang secure perimeter sa palibot sang Capital One Arena ang ginpasangkad pa sang three blocks.
Ang ginpasangkad nga perimeter ang igaestablisyar sa Lunes mga alas 8:00 ang takna sang aga, oras sa Estados Unidos.
