Naglupok ang isa ka Tesla Cybertruck sa gwa lamang ang entrance sang Trump International Hotel sa Las Vegas, sa Estados Unidos nga nagresulta sa pagkapatay sang isa ka persona kag pagkasamad sang iban pa.
Sa karun padayun nga gina-imbestigaran ang pagsigabong nga mahimo isa ka terrorist attack suno sa otoridad.
Nahibaluan nga ang naglupok nga Cybertruck ang ginrentagan sa kaangay nga app kun sa diin ginrentahan ang electric Ford pickup truck nga naglupok kahapon sa New Orleans, nga nagpatay sang 15 ka persona.
Nakita ang itom nga ISIS flag sa rear bumper sang pickup, kag ang insidente ang gina-imbestigaran nga mahimo “act of terrorism”.
Suno sa Federal Bureau of Investigation, ang driver ang ginkilala nga si Shamsud-Din Jabbar, 42 anyos, US citizen gikan sa Texas.
Sa televised remark ni US President Joe Biden, natumod sang FBI nga inoras lamang antes ang pag-atake, nagpost sang video ang suspect nga siya ang inspired sang ISIS, kag luyag nga magpatay.
Madamo man sang explosives nga nakita sa salakyan kag sa palibot.
Sa karun ginatumod pa sang mga imbestigador kun may kaangtanan ang duha ka insidente kag kun ginhungod ang pagpalupok sang Cybertruck kag ang posible nga rasun.
Panawagan naman sini nga indi anay maglumpat sa ano man nga konklusyon samtang wala pa matapos ang imbestigasyon.
Ginmanduan naman sini ang nanarisari nga law enforcement agencies sa America sa maid-id nga imbestigasyon.
