ESTADOS UNIDOS — Nagpatigayon sang malapit duha ka oras nga phone call si US President Joe Biden kag Chinese President Xi Jinping agud diskusyunan ang invasion sang Russia sa Ukraine.
Sa ila pag-istoryahanay, ginlaragway ni Biden ang mga implikasyon kag konsekwensya kun magahatag sang material support ang China sa Russia.
Suno sa initial readout sang tawag nagikan sa Chinese Ministry of Foreign Affairs, ginhambalan ni Xi si Biden nga ang Estados Unidos kag China ang may yara sang tagsa ka mga obligasyon nga magpromote sang kalinong.
Ang ila paghinun-anon ang nagsugod alas 9:00 sang aga Easter time kag nagdugay sa sulod sang duha ka oras.
Nahisugtan ni Xi kag Biden nga ang China kg US ang dapat respetuhon ang isa kag isa, magcoexist sang kalinong kag likawan ang komprontasyon.
Sa bahin sang Ukraine, ginpahayag sang Beijing nga prayoridad sini amu nga padayunon ang mga dayalogo kag negoasyon, likawan ang civilian casualties kag humanitarian crisis, kag untaton ang pagpang-atake sa madasig nga tinion.
Suno kay Xi, ang kalibutan ang indi malinong kag matawhay sa karun kag ang krisis sa Ukraine ang indi gid luyag makit-an sang tanan.
Bilang permanente nga mga miyembro snag UN Security Council kag ang duha sa may pinakadako nga ekonomiya sa kalibutan, suno kay Xi, ang China kag Estados Unidos ang dapat magpamuno sa development sa China-US relations sa insakto nga dalan apang dapat man nga hakwaton ang international responsibilities kag maghimo sang mga tikang para sa world peace kag tranquility.
