Ginsabat ni US President Joe Biden ang mga patutsada sa iya nga edad kag ginpahayag nga siya ang magadaog sa masunod nga piniliay nga patigayunon sa bulan sang Nobyembre matapos ang poor debate performance sini nga nagtuga sang kahangawa angot sa iya nga kandidatura.
Nagapati si Biden nga yara sa iya taguipusuon kag paminsaron ang makaserbe sagihapon sa masunod nga termino.
Apisar nga indi bag-o ang mga palamangkutanon angot sa edad sang presidente sang Amerika, ang iya nga shaky performance sa pagdebate ang nagtrigger sa mga democrats nga magpamangkot angot sa candidacy sini.
Samtang pila sa mga kaupod sini sa kampanya kalakip na si Vice President Kamala Harris ang nag-ako sa mga interviews nga ang presidente ang nagstutter sa debate apang nagpanindugan ang mga ini nga mas may unod ang mga sabat sang presidente kumparar kay anay President Donald Trump.
Samtang, ginpahayag naman sang anay presidente nga wala siya nagapati sa kuno-kuno nga si Biden ang magahalin sa karera kag ginpahayag man nga siya ang mas maayo sa botohan kumparar sa iban pa nga Democrat kalakip na ang Gobernador sang California nga si Gavin Newsom kag ang Bise Presidente nga si Kamala Harris.
