Gindayaw ni US President Joe Biden si anay President Benigno Aquino III sa iya mga commitment sa pagpabilin sang kalinong kag pagsunod sa layi sang Pilipinas.
Suno kay Biden, maayo nga abyan kag partner sang Estados Unidos ang anay presidente.
Nakasaad man sa ginpagwa nga statement sang presidente sang Estados Unidos, ang pagdayaw sini sa ginhimo ni anay presidente Aquino nga napatay sa renal failure sang Hwebes agud nga mapasanyog ang economic growth sang tanan nga mga Filipino samtang nagahimo sang mga tikang agud mapromote ang mga layi santo sa international order.
Suno kay Biden, ang tikang nga ginhimo ni Aquino ang nagbilin sang nagtatak nga legasiya sa pungsod kag abroad nga magapabilin sa mga magaabot nga panahon.
Ang 61 anyos nga si Aquino III, ang anak sang pro-democracy icons nga sanday Benigno Jr. kag Corazon, nga nagbulig sa pagpabagsak sa diktator nga si Ferdinand Marcs, kag nagpromote sang maayo nga pagpanggobyerno kag nagdala sang massive territorial claims sang China sa international court sa tion nga siya ang presidente sang Pilipinas.
Matapos ang apat ka tuig nga ginpasaka ang kaso batok sa China sang tuig 2012, ang Permanent Court of Arbitration sa The Hague, Netherlands ang nagpamatbat nga pabor sa Pilipinas nga naga-invalidate sa claim sang China sadtong July 2016.
Nagbubo man ang pagpadangat sang pakig-unong sa kamatayon ni Aquino III kag ini ang nagikan sa Germany, France, Japan, Australia, Switzerland, Taiwan, United Nations kag European Union, kag iban pa kadungan sang paghalf-staff sang Philippine flags sa mga government buildings.
Nagpagwa man sang pahayag ang Ministry of Foreign Affairs sang Taiwan sa pagdayaw kay Aquino bangud sa determinasyon sini sa pagreporma sang gobyerno kag pagpromote sang stable growth sang Philippine economy.
Sa idalom ni Aquino III, ginpahayag sang ministro nga nangin mabakod ang kooperasyon sa legal kag maritime cooperation sang Pilipinas kag Taiwan paagi sa pagpirma sang “Taiwan-Philippines Agreement on Mutual Legal Assistance in Criminal Justice” kag “Taiwan-Philippines Cooperation Agreement on Promoting Fishery Law Enforcement.
Suno sa ministro, ang kasugtanan ang naghighlight sang “friendly and cooperative relations sa tunga sang Taiwan kag Pilipinas.
Ang Manila kag Taipei ang wala sang formal diplomatic ties bilang pagrespeto sa One-China Policy.
Ginakonsiderar sang China ang Taiwan, isa ka self-ruling democratic island bilang kabahin sang ila territoryo, nga ginatiglawas sang Taiwan Economic and Cultural Office, kag nagatindog man bilang de-facto embassy sa Pilipinas.
