Nagpledge sang bag-o nga sanctions kag humanitarian aid si US President Joe Biden kag ang Western allies bilang pagresponde sa assault ni Russian President Vladimir Putin sa Ukraine, apang ang ila offers ang mas manubo kun ikumparar sa ginahingyo nga mas mabug-at nga military assistance ni President Volodymyr Zelenskyy.
Gin-anunsyar man ni Biden nga igawelcome sang Estados Unidos ang tubtob sa 100,000 Ukrainian refugees kag magahatag sang dugang nga 1 billion dollars nga assistance sa pagkaon, bulong, tubig kag iban pa nga supplies.
Ang mga Western leaders ang nagmeeting sang Huwebes tuhoy sa masunod nga tikang agud icounter ang isa ka bulan nga invasion sang Russia kag kun ano ang ila pagahimuon in kaso nga magdeploy si Putin sang chemical, biological ukon nuclear weapon.
Sa isa ka news conference matapos ang pamulong-pulong, nagpaandam si Biden nga ang chemical attack sang Russia ang magatrigger sang kaangay nga response.
Suno kay Biden, kun nagapamangkot ini nga magahimo sang tikang ang NATO, ginpahayag sini nga magahimo sila sang desisyon sa nagakaigo nga tikang.
Apang isa ka White House official ang nagpahayag nga wala ini nagaimply sang maskin ano nga shift sa position sang Estados Unidos tuhoy sa direct military action sa Ukraine.
Ginpahayag man ni Biden kag NATO allies nga ang Estados Unidos kag NATO ang magabutang sang tropa sa Ukraine.
Si Biden ang natalana nga magbisita sa Poland sa Biyernes, kun sa diin ang energy kag refugee issues ang ginalauman nga mangin sentro sa paghinun-anon sini kay President Andrzej Duda.
