POLAND — Nagbyahe si US President Joe Biden sa southeastern Poland kun sa diin nakigkita ini sa mga tropa sang Estados Unidos kag mga aid workers nga naga-assist sa mga refugees sa pungsod sa front lines sang humanitarian kag military crisis sa Ukraine.
Suno kay Biden, mabatyagan gid sang mga suldado ang kasakit kag pag-antos sang mga pumuluyo sang Ukraine.
Suno sa iya, yara na sa karun ang kalibutan sa bag-o nga phase, bag-o nga henerasyon kag inflection point.
![](https://img.bomboradyo.com/bacolod/2022/03/BIDEN-IN-POLAND--scaled.jpg)
Si Biden ang naghambal sa tunga sang mga US troops sa Rzeszow nga nag-abot sa military base sang nagligad nga bulan bilang kabahin sang U.S. detterence efforts batok sa Russia.
Nag-istorya kag nagshake hands ang Presidente sa grupo sang mga service members, nga iya gintawag finest fighting force sa maragtas sang kalibutan kag nagpungko kaupod ang mga ini kag nagkaon sang pizza.
![](https://img.bomboradyo.com/bacolod/2022/03/BIDEN-IN-POLAND-2.jpg)
Suno kay Biden, sila ang organizing principle nga nagaduso sa kalibutan nga magpadayon.
Suno sa iya, yara sila sa karun sa tunga sang away sang mga democracies kag oligarchs.
Ang tropa ang nakabase indi magnubo 100 miles humalin sa gintup-an sang mga Russian missles sa isa ka military post sa Ukraine.
![](https://img.bomboradyo.com/bacolod/2022/03/BIDEN-IN-POLAND-3.jpg)
Ang mga service members ang nagapatigayon sang training exercises kaupod ang ila Polish kag British counterparts kag ginafamiliarize ang ila mga kaugalingon sa local terrain kag Polish equipment.
Indi pabor ang White House sa posibilidad nga pagpadala sang U.S. troops sa Ukraine apang naghamtang ang mga ini sang presensya sang tropa sa Europe agud ipakita ang commitment sang Washington sa teritoryo sang NATO.