Gin-athag sang White House nga wala nagasuprer si US President Joe Biden sang Parkinson’s disease matapos ang mga reports nga isa ka doktor nga nagaspecialize sa nasambit nga kondisyon ang nagbisita sa White House sang walo ka beses sang tinalikdan nga tuig.
Mas nagadamo ang mga kahangawa nga ang Presidente ang posible nagasuprer sang wala gindisclose nga balatian humalin sang nangin performance sini sa debate batok kay former President Donald Trump sang Hunyo 27.
Santo sa visitor logs sang White House, si Dr. Kevin Cannard, isa ka neurologist nga nagaspecialize sa movement disorders kag sang damlag lang nagpublish sang isa ka dokumento natuhoy sa Parkinson’s disease ang nagbisita sa White House sang walo ka beses sa tunga sang summer kag spring.
Sa isa ka briefing, nagpamalibad nga magkumpirmar si White House press secretary Karine Jean-Pierre sang pagbisita ni Cannard kag ginpahayag nga luyag sini nga respetuhon ang privacy sang tanan nga imbolbado para sa security reasons.
Suno sa iya, nagpakigkita si Biden sa isa ka neurologist sang tatlo ka beses may kaangtanan sa iya annual physical.
