Gin-anunsyar sang White House official nga nangin “very productive” ang liwat nga pagkitaay kag pag-isturyahanay nanday U.S. President Donald Trump kag Ukrainian leader Volodymyr Zelenskiy sa Rome.
Ang paghinun-anon sang duha ka mga lideres sang ang mga ini ang nagtambong sa lubong ni Pope Francis kahapon, April 26.
Suno sa tagpamaba sang opisina ni Zelenskiy, naglawig sang malapit 15 minutos ang nangin diskusyon sang duha kag naghisugot nga magahiwat sila sang isa pa ka meeting kahapon man nga adlaw.
Ang pagkitaay sang duha ka lideres ang nagmarka sa labing una nila nga pagkitaay umpisa sang nangin mainit nila nga pagsabtanay sa Oval Office sa Washington sang Pebrero kon sa diin gindiskusyonan nila ang negosasyon nga nagatuyo sa pagpauntat sang gyera sa tunga Ukraine kag Russia.
Paagi sa social media post, ginlaragway naman sang chief of staff ni Zelenskiy nga ang pagsinapol bilang “constructive”.
