Padayon sa gihapon ang pagpangampanya ni Former US President Donald Trump para sa US Presidential elections apisar sa tatlo na tanan ka assasination attempt batok sa iya.
Sa interview sang Bombo Radyo Bacolod kay Bombo International News Correspondent Noor Morana direkta sa Houston, Texas, madamo na sang survey nga nagagwa sa Estados Unidos kag sa bahin sang electoral vote nagapanguna si Trump apang sa popular vote nagapa-indis indis ini batok kay Vice President Kamala Harris.
Suno diri, santo sa survey humalin sang Setyembre 17 tubtob 23 nagapanguna ang anay presidente.// Pahayag ni Moraña, nagapanguna si Trump apisar sa mga assasination attempt sa iya.
May duha ka assasination attempt kay Trump sang nakaligad pa, apang ang latest amo ang natabo nga assasination plot sang tinalikdan lang nga adlaw.
Ang ini nga assasination plot ang ginplano sang Iran kag nadakpan na ang suspek diri.
Suno kay Moraña, wala nagapakita si Trump sang kakulba kag sa karun mas hugot pa ang suporta sang Republicans para sa anay presidente.
