Nagbalik sa Middle East si US Secretary of State Antony Blinken sang Lunes agud i-promote ang isa ka Gaza truce kag hostage release plan kadungan sang liwat nga pagpang-atake sang Israel sa Palestinian territory.
Matapos nakigkita kay President Abdel Fattah al-Sisi, si Blinken ang natalana nga magpadulong sa Israel agud istoryahon si Prime Minister Benjamin Netanyahu natuhoy sa kun paano matapos ang konflikto humalin ang pagpang-atake sang Hamas sang Oktubre 7.
Si Blinken ang natalana man nga makigkita kay Benny Gantz, nga sang damlag lang nagresign nagikan sa emergency government ni Netanyahu.
Apisar nga ginselebrar sang mga Israelis ang pagkahilway sang apat ka mga hostages, ginkondenar naman sang Palestinians ang tuman kadamo nga death toll, kun sa diin suno sa Gaza health officials, nagdangat sa 274 ka mga persona ang nagkalamatay kag malapit 700 ang pilason.
