Nalapawan ni Vice President Kamala Harris si Republican nominee Donald Trump sa isa ka national presidential poll nga ginrelease sang Martes, isa sa pinakauna nga ginpatigayon humalin sang nagwithdraw si US President Joe Biden sang iya re-election campaign.
Si Harris ang mas mataas sang duha ka puntos batok kay Trump kun sa diin nakakuha ini sang 44 percent batok sa 42 percent sang anay Presidente santo sa Reuters/Ipsos poll.
Ini ang ginpatigayon sa sulod sang duha ka adlaw matapos gin-anunsyar ni Biden nga siya ang magawithdraw na sa iya re-election bid kag gin-endorso ang iya bise-presidente.
Sa poll sang tinalikdan nga semana, si Harris, 59-anyos kag Trump, 78-anyos, ang nagtie sa 44 percent.
Si Harris ang nakaangkon sang madamo nga mga endorsements kag donasyon kasubong man mga pledged delegates para sa iya Democratic nomination.
