Ginalauman nga malapit na lamang nga igaanunsyar ni Vice President Kamala Harris kun sin-o ang iya mangin running mate.
Sang weekend, nagbaton ini sang mga presentations nagikan sa iya vetting team kag nakigkita sa mga kandidate face-to-face.
Samtang, ginpahayag man sini nga siya ang magatambong sa debate nga gintalana sa Setyembre 10 nga una na nga gin-arrange sa ABC News kag magagamit sang iya nga airtime apisar nga indi magpartisipar si former President Donald Trump.
Madumduman nga nagback-out si Trump sa ginplanuhan nga debate sa Setyembre 10 nga una sini nga ginkomiter matapos ang ila kasugtanan ni US President Joe Biden, nga antes ini nagwithdraw sa pagka-Presidente.
Suno kay Trump, sa Setyembre 4 na lamang ang debate kag wala na sang iban pa nga petsa para diri.
Suno naman kay Harris, sa Setyembre 10 ini magatambong kag magagamit sang airtime kun indi makigbahin si Trump.
