Ginbaton ni Vice President Kamala Harris ang imbetasyon nagikan sa CNN para sa debate kay anay President Donald Trump sa October 23, nga nagahangkat sa iya kasumpong sa isa pa ka engagement sa public stage sa final weeks sang kampanya.
Suno sa campaign chair nga si Jen O’Malley Dillon nga nakahanda si Vice President Harris sa isa pa ka oportunidad nga makaupod si Donald Trump sa stage.
Dugang pa sini nga wala man sang problema si Donald Trump sa pagpasugot sa nasambit nga debate.
Nagtweet naman si Harris nga ginakalangkag sini nga batunon ang second presidential debate kag nagalaom ini nga updan siya ni Trump sa October 23.
Apang sang Sabado nagpahayag si Trump nga atrasado na ang pagpatigayon sang isa pa ka presidential debate bangud ang mga Amerikano ang nakaumpisa na nga magcast sang ila nga balota sa 2024 election.
