Nakuha na ni US Vice President Kamala Harris ang suporta sang majority sang Democratic delegates nga supisyente agud mangin standard-bearer sang partido sa Presidential Elections kag nagset man ini sang isa ka record sa kabug-usan single-day fundraising.
Isa ka adlaw matapos ini ang gin-anunsyar ni President Joe Biden ang pagwithdraw sa iya re-election bid kag pag-endorso kay Harris agud magbulos sa iya, nakasecure na ag bise-presidente, nakasecure na ini sang suporta sang masobra 1,976 ka mga delegado sa national convention sang partido nga kinahanglanon agud madaog ang una nga round sang balloting suno sa isa ka Associated Press survey.
Si Harris ang nakakuha man sang isa ka endorsement nagikan kay former House of Representatives Speaker Nancy Pelosi, isa sa mga pinaka-influential nga Democratic leaders, kun sa diin madamo man nga elected Democrats ang nagpabutyag nga ang bise-presidente ang ila mangin nominee para sa Nobyembre.
