Nagpabutyag sang suporta ang mga Democrats kay Vice President Kamala Harris matapos ang pag-endorso sa iya ni US President Joe Biden bilang nominee sang partido sa pagka-Presidente matapos ini ang nagdesisyon nga magwithdraw.
Pila ka mga heavyweight governors, lakip na ang mga lideres nga sadto ginalantaw nga potential nga kandidato para sa presidential nomination sang partido, ang nagpabutyag man sang ila suporta sa bise-presidente.
Gin-anunsyar ni Michigan Governor Gretchen Whitmer ang iya suporta kay Harris kaupod ang mga gobernador sang Illinois, Minnesota kag Wisconsin.
Nagpabutyag man sang ila suporta ang gobernador sang Kentucky nga si Andy Beshear, isa sa mga ginalantaw nga mangin vice presidential running mate ni Harris.
Ang nomination sang Democrats ang ginalantaw nga matigayon sa Agosto 1.
