Utang sang Pilipinas, mahimo magdangat sa P21.48 trillion sa katapusan sang 2027

Ginalantaw nga magadangat ang kabug-usan nga utang sang Pilipinas sa P21.48 trillion sa katapusan sang 2027, base sa mga dokumento sang Budget kag Expenditures and Sources of Financing.

Mas mataas ini sang sa ginabanta nga lebel sang utang nga P19.76 trillion para sa 2026.

Kaupod sang mahinay nga pag-uswag sang ekonomiya nga 2.3 percent sa first half sang 2026, ang debt-to-GDP ratio sang pungsod nagsaka sa 66 percent sang gross domestic product ukon GDP.

Ini ang pinakamataas nga lebel sa sulod sang 22 ka tuig ukon halin sang nagdangat sa 71.6 percent sang 2004.

Samtang, ginabulubanta nga magalab-ot sa P3.304 trillion ang kabug-usan nga utang sang national government sa masunod nga tuig.