Nagapangabay ang utod ni Loreta Alacre nga Overseas Filipino Worker nga namissing sa Tel Aviv sa Israel, nga kun tani yara sa maayo nga kahimtangan ang iya manghod.
Sa interview sang Bombo Radyo kay Anabella Alacre, tuig 2015 ulihi nga nagpauli sa Pilipinas ang iya manghod kag ini pa kun tani nagaplano nga magpauli kag magbakasyon sa masunod nga tuig.
Suno diri, si Loreta ang nangin bread winner sang ila pamilya sang ini nakatrabaho sa Israel.
15 ka tuig na si Loreta nagatrabaho sa Israel kun sa diin amo na sini karun ang apo sang iya employeer.
Pahayag ni Anabella, ila na estorya ang amo ni Loreta kag suno diri ila na nareport sa kapulisan ang natabo kay Loreta kag ila man padulongan ang ospital kun sa diin gindala ang abyan ni Loreta nga natiruhan nga kaupod man sini sadtong nag-atake ang militante nga grupo nga Hamas.
Gintinguhaan pa sang pamilya ang pagcontact sa cellphone ni Loreta apang indi na ini matawagan.
Nagapangayo sang bulig ang himata ni Loreta Alacre agud ila ini macontact kasubong man nga nagapangabay ini nga yara sa maayo nga kahimtangan ang iya manghod. Samtang, nagapanawagan ang hinablos sang 49 anyos nga Overseas Filipino Worker nga namissing sa Tel Aviv sa Israel kasunod sa pag-atake sang militante nga grupo nga Hamas.
Suno kay Joseph Alacre, 15 ka tuig na nga nagatrabaho sa Israel ang iya tiya nga si Loreta Alacre bilang isa ka care giver.
Suno diri, Biyernes sang gab-i mahimo pa magcontact ni Loreta sa ila apang sang Sabado tubtob subong, wala na sang contact ang pamilya kay Loreta.
Ila na lamang ginkakibot ang post sa social media sang amo ni Loreta, nga namissing ini.
Santo sa post sang amo ni Loreta, naggwa si Loreta kaupod ang iya mga abyan sang Biyernes nga adlaw sang iya day-off apang wala na ini nakabalik.
Suno naman sa abyan ni Loreta nga yara man sa Israel, natirohan ang isa nila ka abyan kag ini gindala sa hospital apang si Loreta naman gin-alegar nga ginkuha sang grupo sang Hamas.
Nagapanawagan ang pamilya sang bulig sa paglocate kay Loreta nga namissing sa Tel Aviv, Israel.
Ila naman nacontact ang Philippine Embassy sa Israel kag sila gintugyanan na narelay na ang pangalan ni Loreta apang tubtob sa karun wala pa sang update.
