Nasapwan ang isa ka na-tuo nga kamot sang tawo sa Phase 3, South Bay Subdivision, Purok Tongoy, Brgy Sampinit, ciudad sang Bago, sang Hunyo 3, alas- 8:30 sang aga.
Sa interview sang Bombo Radyo kay Police Senior Master Sergeant Erwin Jamandre, imbestigador sang Bago City Police Station, sang Hunyo 1, kapin alas- 2:00 sang hapon, may duha ka dump truck gikan sa Brgy Alangilan, Bacolod City nga nagdeliver sang filling materials para sa ginaconstruct nga subdivision, kun sa diin nakita sang backhoe operator nga si Rene Maro ang kamot apang wala sini ginsapak sa pagpati nga ini ang gwantes lamang.
Hunyo 3, alas- 8:30 sang aga, nagdeliver ang driver nga si Wilfredo Sales sang mini roller sa ginaconstruct nga subdivision kag nakita sini ang anay ginapatihan nga gwantes ang isa gali ka kamot sang tawo.
Sa karun, nalubong na ang kamot kag ini ang ginkuhaan sang fingerprint pananglitan nga may luyag magpalapit para magtskeyar sa identity sang nagapanag-iya sang kamot.
