Temporaryo nga pagauntaton ang vaccination sa mga malls suno kay Bacolod City Mayor Alfredo Benitez.
Suno kay Benitez, indi naman madamo sa karun ang mga nagapabakuna sa mga malls gani igaconsolidate anay ang vaccination program agud magamit sang maayo ang mga resources.
Suno sa alkalde, indi man tuman kadako ang pagtake-up sa booster shots gani magahimo sila sang bag-o nga campaign program apang iga-assess anay kun pila ang kinahanglanon nga jab order.
Ang magapanguna sa COVID-19 response sa idalum sang bag-o nga administrasyon amu ang City Disaster Risk Reduction and Management Office (CDRRMO) kag City Health Office (CHO).
Naghingyo man ini sa CHO nga magcoordinate sa Department of Health kun may bag-o nga variant sang COVID-19 agud masiguro nga may latest nga impormasyon nagkan sa ahensya.
Suno kay Benitez, temporaryo lamang ang pagpauntat sang vaccination sa ciudad kag ini ang magabalik man gilayon ilabi na sa karun nga may coordination ang Bacolod sa Provincial Government sang Negros Occidental.
