Ginkumpirmar ni Emergency Operations Center Director Em Legaspi Ang nga magapatigayon sang launching sang vaccination para sa mga Pediatric A3 ukon mga naga-edad 12 tubtob 17 anyos nga nagasuprer sang comorbidities sa Oktubre 29.
Sa interview sang Bombo Radyo kay Ang, ginpahayag sini nga sa Nobyembre 5 pa ang schedule sang mga vaccination sa Pediatric A3 apang sa Oktubre 29, magapatigayon sang launching sa Riverside Medical Center.
Suno sa iya, 4,783 na ka mga menor-de-edad ang nakaparehistro online apang 563 lamang diri ang may comorbidities.
Sa 563 nga target para sa Nobyembre 5, 100 ang ginalantaw nga mabakunahan sa Oktubre 29.
Ang mga nalakip sa Pediatric A3 amu ang mga naga-edad 12 tubtob 17-anyos kag nagasuprer sang mga chronic illness kaangay sang cancer, HIV, autism, down syndrome, kidney disease, congenital heart disease kag iban pa nga balatian.
