Ginpahayag sang Obispo sa Diocese of San Carlos nga ang orihinal nga kahulugan sang Valentines Day ang indi romantic love kundi Kristiyano nga paghigugma.
Sa interview sang Bombo Radyo Bacolod kay Most Reverend Fr. Gerardo Alminaza, si St Valentine ang madamo sang nabuligan kag popular sa mga pigado nga labi nga nagakinahanglan sang pagpalangga.
Suno diri, sa umpisa si St Valentine ang simbolismo sang paghigugma sa katawhan, tubtob nga nacommercialize kag sa ulihi nangin para na lamang sa mga lovers.
Apang pahanumdom ni Bishop Alminaza nga St Valentine ang nagasunod lamang sa banas ni Hesu Kristo nga best symbol sang paghigugma.
Suno diri wala sang mas mataas nga pagpalangga nga makalabaw sa paghalad sang kabuhi sang Ginoo nga nagpalansang sa krus para sa katawhan.
Suno diri ang paghigugma sang Ginoo ang inspirsyon ni St Valentine, sa paghatag sang paghigugma nga wala nagapalab-ot sang balos.
Indi man ini kompormi sa tikang sang Department of Health (DOH) nga nagakampanya sa pagpanghatag sang condom.
Panindugan sang pari nga ini ang indi matuod-tuod nga paghigugma.
Suno diri, madamo sang mga lodging inns ang puno subong nga adlaw.
Panawagan sini sa indi kasal partikular na sa mga menor de edad nga indi danay magsulod sa pagpakighilawas.
