BACOLOD CITY — Indi man magpaulihi sa “color coding” gimmick ang Provincial Environment and Natural Resources Office (PENRO) Negros Occidental sini nga Valentines Day.
Suno kay PENRO head Edgardo Rostata indi man lang mga magkahigugma ang nagahatag sang tion sa Adlaw sang mga Tagipusuon kundi ang mga nagkalain-lain man nga opisina.
Sini nga adlaw, ginalauman ang mga empleyado sang PENRO Negros Occidental nga magsuksok sang kolor sang bayo nga santo sa ila nga status.
Ang duag orange ang nagarepresentarsang mga pinaasa ukon umusa, yellow sa mga yara sa Mutual Understanding (MU), green ukon na- friend-zone ka, blue sa mga assuming, gray sa long distance relationship, brown para sa mga bitter, violet sa manug laon, rainbow para safe kag syempre pula para sa mga in love.
Kadungan sini may yara sa mga aktibidad ang PENRO Negros Occidental sini nga adlaw kaangay symposium tuhoy sa gender and development, love and relationship kag team building activities agud nga mapaayo ang relasyon sang mga empleyado sang opisina.
Las-4:30 naman sa hapon ilunsiyar ang wellness activity para sa mga empleyado nga zumba tagsa Lunes, Mierkoles kag Byernes.
Suno kay PENRO Rostata dapat nga i-angot man ang imo status color sa environment ukon sa palibot.
