Wala nagaselebrar sang Valentines Day ang pungsod Azerbaijan bangud man sa ila nga religion.
Sa interview sang Bombo Radyo Bacolod kay Bombo International News Correspondent Ma Irene Somodio Cueto, direkta sa pungsod Azerbaijan, bangud Muslim ang relihiyon sa Azerbaijan wala ang mga ini nagaselebrar sang Valentine’s Day.
Suno kay Cueto, mga sweet man ang mga Azerbaijani kag mga ini ang makita mo sa park sa tion nga maglagaw ka sa nasambit nga pungsod.
Suno diri March 8 ukon Womens Day, nagahatag sang bulak ang mga lalaki sa mga kababainhan.
Ginpahayag man sini nga ang mga Azerbaijani nga lalaki sa tion nga may pangaluyagan nga babayi kag magkasugtanay nga magpakasal, antes ang adlaw sang kasal madamo sang mga parties nga ginapatigayon kun sa diin ini ang tion nga ginpain agud nga mas makilala sang mga ini ang tagsa ka pamilya sa magtimbang nga bahin.
Apisar nga wala ginaselebrar ang Valentines Day sa nasambit nga pungsod ang mga pumuluyo didto ang wala nagakalipat sa pagpabatyag sang pagpalangga sa ila mga loved ones adlaw-adlaw.
