Madugay na nga wala nakaselebrar sang Valentines Day ang isa ka Silaynon nga madugay na nga nagatrabaho sa Papua New Guinea.
Sa interview sang Bombo Radyo kay Bombo International News Correspondent Maria Resca Regalado Hermosura, sa karun matugnaw kag mainulanon ang panahon didto.
Siya ang nagatudlo sa bukid nga bahin sa Papua New Guinea kun sa diin may estudyante ini nga naga-edad sang 22 anyos tubtob 40 anyos.
Suno pa diri, sa lugar kun diin ini nagatrabaho, ang mga lokal nga babayi ang wala maayo ginarespeto.
Kun kaisa bisan ano kakapoy sang asawa basta wala nasunod ang luyag sang bana, nagaresulta ini sa pagkabayolente sang bana apang nagatinir man sa gihapon ang asawa sa ila bana.
Suno kay Hermosura, wala man nagahambal ang mag-asawahay sang ‘I Love You’ nga tinaga.
Pahayag ni Hermosura, wala nagaselebrar didto sang New Year kag Christmas kasubong man sang Valentines, apang nagaselebrar sila sang holy week, kaadlawan sang reyna kag pagcommemorate sa mga lideres.
