Ginpahayag sang Philippine National Police nga kabug-usan nga 74 validated election-related incidents ang namonitor humalin sang nagsugod ang election period sang Enero 12 tubtob sa May 12 midterms elections.
Suno kay PNP public information office chief Police Colonel Randulf Tuaño, kalabanan sa mga kaso ang nareport sa Bangsamoro Autonomous Region in Muslim Mindanao (BARMM) bangud sa 23.
Ini ang ginsundan sang Cordillera Administrative Region nga may 17, Calabarzon nga may siyam, kag Zamboanga Peninsula nga may lima.
Ang Davao Region ang nakarekord sang apat ka mga validated election incidents samtang ang Central Luzon ang may yara sang tatlo.
Tag duha ka mga insidente ang nareport sa Ilocos Region, Cagayan Valley, Bicol, Western Visayas, Soccsksargen kag Negros Island Region.
Isa naman ka insidente ang narekord sa Eastern Visayas.
