Nagapreparar ang Office of the Civil Defense – Negros Island Region sa pagpadulong sang validation team nagikan sa national government para sa proposed nga mga infrastructure project para sa Kanlaon Recovery and Development Plan.
Sa interview sang Bombo Radyo Bacolod kay OCD-NIR Director Donato Sermeno III, ang validation ang pangunahan sang tiglawas sang National Task Force Kanlaon nagikan sa Manila kag sang Task Force Kanlaon Negros Island Region.
Suno kay Sermeno, ang mga proyekto nga igavalidate ang ginalakipan sang mga taytay kag dalan, kaangay na lamang sa taytay sa Moises Padilla nga magaserbe nga alternative nga alagyan sa tion nga may yara sang disaster.
Dugang pa sini nga magluwas sa Moises Padilla, nalakip man sa mga local government units ang may yara sang proposed infrastructure projects nga kabahin sang Kanlaon Recovery and Development Plan ang La Castellana, Bago City, Canlaon City, Murcia kag San Carlos City.
Ginalantaw nga sa tunga-tunga sang Oktubre maumpisahan ang validation.
