Ginpanginwala sang Vallacar Transit Incorporated nga ginpauntat ang byahe sang ila nga mga bus agud wala sang sakyan ang mga supporters ni Vice President Leni Robredo sa out of town nga magatambong sa rally sini sa Sagay City kag sa Bacolod.
Sa interview sang Bombo Radyo kay Jade Seballos, media relations officer sang VTI, fake news ang naggwa nga balita nga nag-untat sang byahe ang Vallacar.
Suno diri, indi makadesisyon ang VTI nga mauntat sang byahe bangud sarang sila makasuhan sa Land Transportation Franchising and Regulatory Board.
Suno kay Seballos, wala sang kahangaw-an ang nagikan sa out of town bangud bastante ang units sang VTI nga nagabyahe.
Gin-ako ni Seballos nga nag-istorya sa operations manager sang kompaniya nga maga-arkila sang unit agud sakyan sang mga supporters nagikan sa northern Negros padulong sa Sagay kag verbal lang ang agreement.
Bangud malapit lang ini sa Sagay suno kay Seballos, naarkilahan ang mga bus.
Ginbalibaran naman ang magaarkila kuntani sang bus para sa mga supporters halin sa Sagay City padulong sa Bacolod vice versa bangud magatinir pa ini sa ciudad tubtub matapos ang grand rally gani mavacuum ang ruta sang VTI nga apektado.
Bangud sa COVID pandemic suno kay Seballos, indi makapagwa ang VTI sang sobra nga units sa ginpahanugutan lang sang LTRFB nga wala sang special permit.
