Nagpasalig ang media relations officer sang Vallacar Transit Incorporated nga wala pa sang pagsaka sa pletehan sa Ceres Buses.
Suno kay Jade Seballos, wala sila sang otoridad nga magmato-mato sang desisyon sa pagpasaka sang plete.
Paathag sini nga mahimo lang sila makapatuman sang adjustment kun may approval na gikan sa Land Transportation Franchising and Regulatory Board (LTFRB).
Sa tion nga may-ipanaog nga mando ang LTFRB, amo man kag magapagwa sang panibag-o nga fare matix ang Vallacar Transit Inc. natuhoy sa adjustment sa plete.
Dugang pa ni Seballos nga ang LTFRB amo man ang nagadeterminar kun pila ang isaka sa sukot sa kada kilometro.
Pasalig naman sini sa riding public nga wala pa sa karun sang pagbag-o sa pletehan sa Ceres Bus kag magapahibalo man ang mga ini gilayon inkaso nga may-ara sang pagbag-o.
